لا يفوتكم الحقوا ، دورة حياة الاولاد من الطفولة حتى الموت ^^

    شاطر
    avatar
    Ms Tato
    مشرفهـ
    مشرفهـ

    انثى
    عدد الرسائل : 781
    العمر : 24
    الاقـامة : لا توجد بسبب كثرة الترحال
    حالة العضو : تعبانه عالآخر و مكسحة - -
    تاريخ التسجيل : 01/09/2007

    توقيت غرينتش - 4س لا يفوتكم الحقوا ، دورة حياة الاولاد من الطفولة حتى الموت ^^

    مُساهمة من طرف Ms Tato في الجمعة 18 يوليو 2008 - 14:39

    بسم الله الرحمن الرحيم

    اولا انا كتبت هالموضوع عشان نتونس و نضحك شوي ..

    و السموحة يالاوتاكيين الاولاد انا لا اتطنز عليكم و لا اتشمت فيكم ..

    انا اشرح دورة حياة معظم شباب هالايام ..

    ملاحظة : اذا كان ممل فالسموحة تراه من تأليفي ..
    و اذا كان يضحك مره .. فلا تنسون الحمام .. روحوه باسرع وقت ..
    و اذا حد منكم حس فيه اهانه .. فالسموحة و الف سموحة مو قصدي اهانة ..

    .. اوكي ..

    نبدأ ^.^

    فترة الحمل فيه ..

    الام تسير تكشف اذا كان ولد والا بنت .. طبعاً معظم الاولاد ما تضبط وياهم الا بعد مليون مره ..
    تحاول الام باي طريقة .. لكنه معاند ما يبي حد يشوفه اونه يستحي - -"..

    ..

    بعد فتره ... يوم يكبر .. حضرة الاستاذ ما عايبه المكان ..
    يحس بضيق .. فيقوم يتحرك بطريقة دفيشة شوي و بيطلع روح امه ..

    ×××××××××××××××

    عند ولادته ..

    الاستاذ ما عاجبه المكان ابد صار اضيق من قبل ..
    طبعا ما يراعي حالة امه المهم هو يرتاح ..
    معظمهم يقومون يبطون يطلعون بنصايف الليل ..
    فخلاص الا امه تولده بنصايف الليل ما ينطر الصبح عافانا الله ..

    ..

    تصرخ امه على ابوه قوم قوم .. الريال ما راضي ينش عيبته النومه ..
    كل اللي فالحارة صحوا الا هو نايم فالعسل ..
    قامت لولدها الكبير .. دور تاكسي باسرع وقت ..
    الولد ما حصل تاكسي الا يطلب دريول الجيران و يروحون ..

    ..

    بعدين عغرفة التوليد .. الام حالتها يقول بتموت .. و ما ارتاحت الا طلع حضرة الاستاذ ..
    طبعا هو عايبته الحرية .. لكن يصيح .. تدرون ليش .. عشان يعذب امه عالوقت اللي قضاه بالسجن ..

    ××××××××××××××××

    مرحلة الطفولة ..

    يبدأ الاستاذ مني بالحبو .. اول ما يحبي ما يحصل له اقرب حمام مفتوح الا يدخله ..
    يبدأ يخبص لين تحلحقة امه المسكينه قلبها عليه طول الوقت و هو شوي و بغرض عمره بالتواليت ..

    اما مرحلة المشي .. فما يصدق حضرته الا و يقبض الباب و رايح يتحوط بالفريج .. الريال يحب الحرية ..
    البيت كله طواري يدورون عليه .. و هو رايح عند يدته يشرب قهوة ..

    لما يدش الرضة .. طبعا الروضة مختلط اولاد و بنات .. يطنش الاولاد ما يمسك له الا واحد ما عنده شخصية عشان يساعده بمخططاته .. و يروح عند البنات الحلوات يتغزل فيهن و البنات الشنعات يصفعهن تصفيع بس جي مزاج ..
    و كل حصة يبي يروح الحمام .. كل خمس دقايق .. المعلمة مو قادرة تشرح شي الا قال ابي اروح الحمامم ..

    اما بالابتدائي .. فراحن البنات .. فيبدون يتفقون كشلة او حزب يخططون للشردة من المدرسة ..
    وينطون من الجدار .. و يدورون لهم اقرب مدرسة بنات يسوون استعراضات سياكل جدامها ..
    عشان يبهرون بنات الدور الثاني ..

    ××××××××××××××××××××××××××××××

    مرحلة المراهقة ..

    هذي المرحلة ياليتها ما يت ..
    الخراب يبدا صح فيها ..
    منا الولد من ينش الصبح ابوه يقول له يلا قوم وراك صلاة .. يقوم ..
    الا طلع من البيت راح صوب المسجد و لف حسباله ابوة يتحراه بالمسجد .. و هو طايح له حواطة بسيارته و بدون رخصة ..
    طبعا قبل ما يروح المدرسة .. يشتري كيسة فلافل .. و ييبها للجماعة ..
    و عاد ما ينسون سالفة الشردات .. لازم يشردون و هالمرة يروحون يفحطون جدام مدرسة بنات من عمرهم ..
    بس مو سياكل عادية دراجات نارية .. ما يطلع الحارس الا يشوف الشوارع فيها تخطيط يديد XD ..

    ..

    بالثانوية ..

    خلاص عاد وصلت فيهم .. استغفر الله لا صلاة و لا عبادة ..
    طول الوقت سهر برع بالمراقص و الا طلعات مولات ..
    والا الولاد اللي يهكرون على سجلات مدارس البنات ..
    يدورون لهم بنت تعيبهم .. ينتظرونها جدام باب المدرسة .. و يقولون انهم من اهلها و يو يصطحبونها ..
    جان البنت دمرانه مثلهم راحت و الا اذا زينة يكشفونهم لكن وينه حضرت ..
    شرد ولا ينتظر XD ..

    كله عايشين حياتهم شردات ..

    ×××××××××××××××

    بداية الشغل ..

    حضرة الاستاذ عنده واسطة قوية .. من ابوه المرحوم ..
    طبعا ابوه متوفي ولا يدري بشي عن ولد .. و الولد عاد .. الله يعين ..
    طايح ريل على ريل بالمكتب .. و الا يا فتحي جيب شاي و قهوة ..
    كانه صاحب الشركة .. و الحمدلله يعدي الشغل على خير ..

    يوم يستلم الراتب .. تقوم القيامة ..
    يتم محتشر ليش راتبي جي و انا المفروض راتبي اعلى ..
    ما يمر اسبوع الا البيزات كلها طارت .. الحمدلله ما يعطونه اكثر ..

    ×××××××××××××××××××

    عند الزواج ..

    الريال مسنع عمره ..
    بدا يحافظ و يتقي الله و يهتم بس عشان تقبله مراة وحدة ..
    يبا يرتاح و يحصل حد يهتم فيه ..
    طبعا مشى العرس على خير .. و حصل بنت الحلال اللي يباها ..

    بعد الزواج ..

    بعد فتره قولوا شهر و نص .. انقلب عالمراة كانه ابليس ..
    بضرابه تصحيه الصبح عشان الشغل .. يصحى يشوف عمره متأخر .. قامت القيامة مره ثانية ..
    ليش ما صحيتيني من وقت و تأخرت و المراة مسكينة صار لها ساعتين تصحيه و هو يقولها ابي انام ؟؟

    و لما يرجع من الشغل .. خلقة ضايق ..
    يصرخ بويهها وين الغدى و هي وحليلها مزهبة كل شي .. و هو عاد ما خلى دعاوي ما دعى فيها عليها ..

    وكله عايش حياته صريخ عالمراة ..


    ~ يتبع : ممنوع الرد حتى يكتمل الموضوع ~


    _________________



    لمتابعة القصة اضغط على الرابط ادناه
    http://otaku.yoo7.com/montada-f20/topic-t288.htm#4321


    لمشاهدة الموضوع اضغط الرابط ادناه
    http://otaku.yoo7.com/montada-f7/topic-t296.htm#4442

    غائبة الى فترة قد تطول
    avatar
    Ms Tato
    مشرفهـ
    مشرفهـ

    انثى
    عدد الرسائل : 781
    العمر : 24
    الاقـامة : لا توجد بسبب كثرة الترحال
    حالة العضو : تعبانه عالآخر و مكسحة - -
    تاريخ التسجيل : 01/09/2007

    توقيت غرينتش - 4س رد: لا يفوتكم الحقوا ، دورة حياة الاولاد من الطفولة حتى الموت ^^

    مُساهمة من طرف Ms Tato في الجمعة 18 يوليو 2008 - 14:55

    اوك نكمل ..

    لما تحمل مرته ..

    تصرخ المرة تعبانه الحقني الحقني .. بوق قيلولته ..
    يقوم منزعج .. بلاج حشرتينا .. يقوم ياخذا عالدكتور عشان يشوف شو فيها و يفتك من صدعة الراس ..
    فيقول الدكتور المراة ما فيها شي .. ما يكمل الدكتور كلامه الا يقاطعه حضرته و يقول شفتي ما فيج شي جان الا خذتي بندول و فكيتينا .. يقول الدكتور خلني اكمل .. فيقول الريال اسمح لنا هي كله تتشكي يلا كمل كلامك ..
    فيقول الدكتور مرتك حامل .. يطير الريال من الفرحة و يفر غتره و عقاله ياينه ولد راح يحمل اسمه ..
    شوي الا يعصب الدكتور و يعطيهم ورقة الفيتامينات اللي لازم تاخذها المراة و يطردهم برع ..

    بفترة الحمل المراة ترتاح الريال ييب خادمة لهم و مريحنها على طول و يسوي لها تدليك و مساج و يشرف على الفيتامينات اذا تاخذها والا لا .. يعني بكل اختصار يدلع مرته تدليع عالآخر ..

    لما تولد مرته ..

    الريال يطير من الفرح .. مستانس . ياه ولد .. و استوى اب ..
    راح يطير من الفرح محد قادر له ..

    بعد ما يجونه خمس ولاد ..

    البيت حشرة و ما ينطاق .. يقعد يتهاوش طول الوقت ..
    و يقول لمرته فكينا من صدعة الراس ما نفتك من واحد منهم الا وجانا الثاني ..
    و كله الا برع البيت و الا بالشغل و الا نايم .. ما ينشاف ابد ..

    لما يزوج ولاده ..

    يتم يمدح فيهم و يقول هذولا تربيتي .. و ادب و اخلاق و عاد ولا طشة محد مسنعنهم غير المراة يا عيني عليها و هو شو سوا ..
    و يعدي زواجهم علي خير ..

    فسن الثمانين ..

    الريال ابد مو ناسي ربه .. خايف اليوم والا باجر ساعته و ما تكون عندة اعمال كفاية تدخلة الجنه ..
    و المراه عايشة حياة حلوة لانه رجع الريال اللي تزوجته قبل ما يتغير ..

    لما يموت ..

    يكح لدرجة تقول هذا ما راح يموت هذا جذاب .. لكن من كثر ما شاف افلام كان وده يعيش هاللحظة و جمع عايلته كلها حتى احفاده اللي ما يفهمون شي ..
    و وصاهم يتقون الله و ما خله شي فاطرة يقوله الا وقاله .. عاد تشهد والا لا ما بقولها لان شي منهم يتشهدون و شي منهم يخرفون قبال ما يموتون ..

    و ينتقل الريال لرحمة ربه ..

    بعد سنة والا سنتين اللي منزعجين منه يحمدون ربهم والا يحبونه يدعون له ..

    وانتهت حياة صديقنها الهرم .. الحمدلله الله هداه فآخر عمرة مع اني اخاف انه مثل المعظم كله حياته جذب بجذب .. خخخخ

    تحياتي .. توته ^.^


    _________________



    لمتابعة القصة اضغط على الرابط ادناه
    http://otaku.yoo7.com/montada-f20/topic-t288.htm#4321


    لمشاهدة الموضوع اضغط الرابط ادناه
    http://otaku.yoo7.com/montada-f7/topic-t296.htm#4442

    غائبة الى فترة قد تطول
    avatar
    N O V Y
    موسس ومدير منتديات اوتاكو
    موسس ومدير منتديات اوتاكو

    ذكر
    عدد الرسائل : 1565
    العمر : 25
    الاقـامة : مـنـتـهيـهــ Xb
    حالة العضو : EV!L
    تاريخ التسجيل : 10/08/2007

    توقيت غرينتش - 4س رد: لا يفوتكم الحقوا ، دورة حياة الاولاد من الطفولة حتى الموت ^^

    مُساهمة من طرف N O V Y في الجمعة 18 يوليو 2008 - 15:39

    السلام عليكــم

    مرحلة المراهقة ..

    هذي المرحلة ياليتها ما يت ..
    الخراب يبدا صح فيها ..
    منا الولد من ينش الصبح ابوه يقول له يلا قوم وراك صلاة .. يقوم ..
    الا طلع من البيت راح صوب المسجد و لف حسباله ابوة يتحراه بالمسجد .. و هو طايح له حواطة بسيارته و بدون رخصة ..
    طبعا قبل ما يروح المدرسة .. يشتري كيسة فلافل .. و ييبها للجماعة ..
    و عاد ما ينسون سالفة الشردات .. لازم يشردون و هالمرة يروحون يفحطون جدام مدرسة بنات من عمرهم ..
    بس مو سياكل عادية دراجات نارية .. ما يطلع الحارس الا يشوف الشوارع فيها تخطيط يديد XD

    ..

    هههههههـ هذا اللي يصير بس الحمدللهـ انا مو مثلهــم XD

    بالثانوية ..

    خلاص عاد وصلت فيهم .. استغفر الله لا صلاة و لا عبادة ..
    طول الوقت سهر برع بالمراقص و الا طلعات مولات ..
    والا الولاد اللي يهكرون على سجلات مدارس البنات ..
    يدورون لهم بنت تعيبهم .. ينتظرونها جدام باب المدرسة .. و يقولون انهم من اهلها و يو يصطحبونها ..
    جان البنت دمرانه مثلهم راحت و الا اذا زينة يكشفونهم لكن وينه حضرت ..
    شرد ولا ينتظر XD ..

    كله عايشين حياتهم شردات ..

    امــا هاذي صحيح ما نتخلى عنهـا بس ما توصل السالفهـ بنات وما بنــات الشردات موجودهـ بس الحمدلله انا محافظ على صلاتي ^^

    تسلمي والله وايتوهـ عالموضوع الحلوو ^^


    _________________





    ~ اهـدائاتــكم محفوظهـ في قلبــي ~


    avatar
    K I N G C A R S
    مشرف
    مشرف

    ذكر
    عدد الرسائل : 174
    العمر : 24
    الاقـامة : حارة سبع دوخات
    حالة العضو : مغزول
    تاريخ التسجيل : 12/08/2007

    توقيت غرينتش - 4س رد: لا يفوتكم الحقوا ، دورة حياة الاولاد من الطفولة حتى الموت ^^

    مُساهمة من طرف K I N G C A R S في الجمعة 18 يوليو 2008 - 16:01

    هههههههههههههه والله انا مرة في كل المراحل الى مرحله الراهقه
    بس الباقي الله يعين
    والله خوش تاليف


    _________________


    كل عام وانتم بخير وعاد رمضانكم^^

    avatar
    Ms Tato
    مشرفهـ
    مشرفهـ

    انثى
    عدد الرسائل : 781
    العمر : 24
    الاقـامة : لا توجد بسبب كثرة الترحال
    حالة العضو : تعبانه عالآخر و مكسحة - -
    تاريخ التسجيل : 01/09/2007

    توقيت غرينتش - 4س رد: لا يفوتكم الحقوا ، دورة حياة الاولاد من الطفولة حتى الموت ^^

    مُساهمة من طرف Ms Tato في السبت 19 يوليو 2008 - 14:31

    novy

    هههههههـ هذا اللي يصير بس الحمدللهـ انا مو مثلهــم XD
    ..

    امــا هاذي صحيح ما نتخلى عنهـا بس ما توصل السالفهـ بنات وما بنــات الشردات موجودهـ بس الحمدلله انا محافظ على صلاتي ^^

    ha ha ha ^^

    it's good for you

    you are soo good boy ^^

    ...

    yslmoo al mroor

    your welcome ^^

    xxxxxxxxxxxx

    KINGCARS

    Oh My God @@"..

    I Hope you Have never be like I was write

    ..

    yslmooo al mrooor


    _________________



    لمتابعة القصة اضغط على الرابط ادناه
    http://otaku.yoo7.com/montada-f20/topic-t288.htm#4321


    لمشاهدة الموضوع اضغط الرابط ادناه
    http://otaku.yoo7.com/montada-f7/topic-t296.htm#4442

    غائبة الى فترة قد تطول

      الوقت/التاريخ الآن هو الثلاثاء 13 نوفمبر 2018 - 17:56